🏃‍♂️ Дене шынықтыру – денсаулық кепілі! Әр сейсенбі күні мектебімізде дәстүрлі дене жаттығулары өткізіледі. Бұл шараға бастауыш, орта және жоғары буын оқушылары белсене қатысып, салауатты өмір салтын ұстануға ынталануда. 💪 Мақсат – оқушылардың бойында спортқа деген қызығушылықты арттыру, денсаулықты нығайту және белсенді өмір сүру дағдыларын қалыптастыру. 🏃‍♂️ Физическая активность — залог здоровья! Каждый вторник в нашей школе проходят традиционные утренние физические упражнения. В мероприятии с удовольствием участвуют учащиеся начального, среднего и старшего звена. 💪 Цель — формирование у школьников интереса к спорту, укрепление здоровья и развитие навыков активного образа жизни.

30.03.2026ж Дінмұхамед Қонаев атындағы орта мектебінде «Таза Қазақстан» экологиялық акциясы аясында сенбілік жұмыстары өткізілді. 🧹✨ Бұл игі шараның басты мақсаты – қоршаған ортаны таза ұстау, мектеп аумағын көркейту, санитарлық тазалықты сақтау және жас ұрпақтың бойында еңбекқорлық пен табиғатқа деген жанашырлық қасиеттерін қалыптастыру болды. Сенбілік барысында мектеп ауласы мен айналасы тазартылып, абаттандыру жұмыстары жүргізілді. 🌱 Тазалық жұмыстары арқылы қоршаған ортаны күтіп ұстаудың маңызы насихатталып, ортақ іске жауапкершілікпен қарау мәдениеті дәріптелді. Осындай игі бастамалар өскелең ұрпаққа экологиялық тәрбие беріп қана қоймай, оларды ұқыптылыққа, еңбекке баулуға және туған жерді құрметтеуге тәрбиелейді. 🌿💚 Тазалық – мәдениеттің, тәртіптің және ұйымшылдықтың айқын көрінісі. Сондықтан мұндай шаралардың тәрбиелік мәні зор. Мектеп ауласындағы тазалық пен көркейту жұмыстары – баршамызға ортақ іс. Бірлесе атқарылған әрбір еңбек – қоршаған ортаға деген қамқорлықтың нақты белгісі. ✨

01.04.2026 жылы «Жыныстық қол сұғылмаушылық және ерте жүктіліктің алдын-алу», «Репродуктивті денсаулық және жеке шекара» туралы 8-11 сынып қыз балалары арасында жиналыс өткізілді. Жиын барысында жыныстық қолсұғылмаушылық және ерте жүктіліктің алдын-алу туралы туралы қыздарға түсіндірме жұмысын жүргізді. Ерте жастағы жүктіліктің ең алдымен денсаулыққа кесірін тигізсе, болашағына балта шабатыны турасында ұғынықты етіп түсіндірілді. Толық қалыптаспаған организм жүктілікті және босануды көтере алмайтындықтан, денсаулығында ақауы бар баланың дүниеге келуін жеткізді. Қатысушылар өздерін ойландырып жүрген сұрақтарын қойды. Кездесуге Шу аудандық полиция бөлімінің полиция инспекторы: Халық Н.Б қатысып "Ерте неке құрудың жауапкершілігі" жайлы түсіндірме жүргізді. Оқушыларға Қазақстан Республикасының неке және отбасы заңнамасы негізінде неке ұғымы, некеге тұру шарттары мен тәртібі, некеге тұру жасы, ерлі-зайыптылардың құқықтары мен міндеттері туралы жан-жақты мәлімет берілді. Сонымен қатар, кәмелетке толмағандардың некеге тұруына қатысты заң талаптары, ерте некенің құқықтық және әлеуметтік салдары түсіндірілді. Оқушыларға неке – үлкен жауапкершілікті талап ететін маңызды қадам екендігі, отбасын құру үшін психологиялық, әлеуметтік және материалдық дайындықтың маңыздылығы атап өтілді. Директордың тәрбие ісі жөніндегі орынбасары Р.А.Мамбетова мен мектеп медбикесі М.Жасұзақова және Қонаев ауылдық амбулаториясының акушері Асатова Т тарапынан кеңестер берілді. Оқушылармен ой бөлісіп, мектеп формасы мен ережелерін сақтау жайлы айтып өтті
.

📚✨ 2 СӘУІР — ХАЛЫҚАРАЛЫҚ БАЛАЛАР КІТАБЫ КҮНІ
✨📚 Бүгін – кітапты сүйетін кішкентай оқырмандардың мерекесі! 👧👦 Балалар кітабы – бұл тек ертегі ғана емес, ол – қиялға қанат бітіретін, ой-өрісті кеңейтетін, жүрекке жылу сыйлайтын ғажайып әлем 🌈 📖 Кітап арқылы бала: ✨ Жаңа дүниені таниды ✨ Арман құрады ✨ Жақсылық пен мейірімділікті үйренеді Біз сіздерді кітап әлеміне бірге саяхат жасауға шақырамыз! 🚀 📚 «Кітаппен бірге өсеміз!» 📚 «Оқыған бала – озады!»

   
02.04.2026 жылы «Бөтеннің мүлкіне көз салма» тақырыбында 8-11 сынып оқушыларымен тақырыптық сағат өткізілді. Тақырыптық сағатты директордың тәрбие ісі жөніндегі орынбасары А.Д. Джуаспаева және «Азамат» ұлдар клубының жетекшісі Б. Серикбай өткізді. Сабақ барысында оқушыларға ұрлық пен тонау ұғымдарына нақты түсінік берілді. Ұрлық – бөтеннің мүлкін жасырын жымқыру болса, тонау – бөтеннің мүлкін ашық түрде иелену екені түсіндірілді. Сонымен қатар, Қазақстан Республикасының заңнамасына сәйкес жауапкершілік түрлері кеңінен түсіндірілді: • Қазақстан Республикасының Қылмыстық кодексінің 188-бабына сәйкес, ұрлық жасағаны үшін қылмыстық жауапкершілік қарастырылатыны айтылды; • Қылмыстық кодекстің 191-бабына сәйкес, тонау (ашық түрде мүлікті иелену) үшін жаза көзделетіні түсіндірілді; • Қазақстан Республикасының Әкімшілік құқық бұзушылық туралы кодексіне сәйкес, ұсақ ұрлық үшін әкімшілік жауапкершілік қарастырылатыны айтылды; • Кәмелетке толмағандар жасаған құқық бұзушылықтар үшін олардың ата-аналары немесе заңды өкілдері де жауапкершілікке тартылуы мүмкін екені түсіндірілді. Сабақ барысында нақты өмірлік мысалдар келтіріліп, құқық бұзушылықтың салдары, оның болашақ өмірге кері әсері туралы айтылды. Оқушылармен пікір алмасу ұйымдастырылып, олардың құқықтық сауаттылығын арттыруға бағытталған сұрақ-жауап жұмыстары жүргізілді. Қорытынды бөлімде оқушыларға адалдық, заңға құрмет, жеке жауапкершілік қағидалары түсіндіріліп, бөтеннің мүлкіне қол сұқпау – әр азаматтың міндеті екендігі атап өтілді. Сонымен қатар, құқық бұзушылықтың алдын алу, саналы таңдау жасау, жағымсыз әрекеттерден аулақ болу қажеттігі ескертілді.

Дінмухамед Қонаев атындағы орта мектебінде "Иманды ұл- әке мақтанышы" тақырыбында ұлдар жиыны өтті. 
 

2026 жылдың 25 ақпан күні Дінмұхаммед Қонаев атындағы орта мектебінде мұғалімдер мен оқушылар арасында сейсмикалық жаттығу өткізілді. Жаттығудың мақсаты – төтенше жағдай кезінде дұрыс әрекет ету дағдыларын қалыптастыру, қауіпсіздік ережелерін пысықтау және ұйымшылдықты арттыру. Сейсмикалық жаттығуға: 👩‍🏫 78 мұғалім 👦👧 580 оқушы 🧹 32 кіші қызметкер қатысты. Барлық қатысушылар қауіпсіздік талаптарын сақтай отырып, эвакуациялау тәртібін тәжірибе жүзінде орындады. Жаттығу барысында жауапкершілік пен тәртіп жоғары деңгейде көрініс тапты. Қауіпсіздік – баршамызға ортақ міндет! Осындай маңызды іс-шаралар алдағы уақытта да жалғасын табады.

Шу ауданы Дінмұхамед Қонаев атындағы орта мектебінде « Адал азамат» біртұтас тәрбие бағдарламасы аясында «Тәуелсіздік және Отаншылдық» құндылығына негізделген "Бала қауіпсіздігі -басты назарда " тақырыбында мектеп оқушыларымен кездесу өтті. ♦️♦️Кездесуге Шу ауданы әкімінің орынбасары Сұлтанбаев Найман Кенжеханұлы және мектеп директоры Оспанова Ұлжан Абидильдаевна қатысты. Көтерілген мәселелер, 🖇️Жасөспірімдердің жалпы қауіпсіздік ережелері 🖇️Құқық бұзушылықтың алдын алу және қылмыстық жауапкершілік 🖇️Буллинг пен кибербуллингтің зардаптары мен жауапкершілігі 🖇️Түнгі уақытта көшеде жүру тәртібі 🖇️Алаяқтық, лудомания және басқа да қоғамдағы келеңсіз жағдайлар ♦️♦️Кездесуде жасөспірімдер арасындағы құқықбұзушылықтың алдын алу, буллинг, кәмелетке толмағандардың мопед жүргізуі, тиым салынған сайттар, ғаламтордағы оқушыларға тиым салынған ойындар және қоғамда белең алып бара жатырған лудомания (құмар ойыны) туралы айтылып, оқушылардың көкейінде жүрген сұрақтарға жауап берді.

2026 жылдың 16 наурыз күні мектеп оқушылары арасында құқықтық сауаттылықты арттыру, заң талаптарын құрметтеуге тәрбиелеу және құқық бұзушылықтың алдын алу мақсатында «ҚР ӘК баптары – тәртіп сақтау кепілі» тақырыбында дәріс сабағы өткізілді. Дәріс барысында Шу аудандық полиция бөлімі жанындағы ювеналды полиция тобының инспекторы Н.Б. Халық оқушыларға Қазақстан Республикасының Әкімшілік құқық бұзушылық туралы кодексінің негізгі баптарын түсіндірді. Атап айтқанда, қоғамдық тәртіпті сақтау, кәмелетке толмағандардың жауапкершілігі, қоғамдық орындардағы мінез-құлық ережелері, ұсақ бұзақылық, темекі мен алкоголь өнімдерін қолдануға байланысты шектеулер туралы кеңінен мәлімет берілді.

«Біз буллингке қарсымыз!» челленджі
Мақсаты: Оқушылардың арасында буллингті болдырмау және алдын- алу, жасөспірімдерді зорлық-зомбылықтан қорғау. Қоғамдағы буллингтің көріністерін тоқтату. 2025 жлдың 19 қыркүйек күні «Адал азамат» біртұтас тәрбие бағдарламасы аясында достықты дәріптеп, мейірімділікті үлгі еткен 10 сынып оқушылары «Біз буллингке қарсымыз!» челленджіне белсене қатысты. Буллинг- әлеуметтік-психологиялық құбылыс ретінде қатысушылардың қауіпсіздігіне қауіп төндіреді. Буллинг салдары – тікелей және жанама түрде оқушылардың зияткерлік және жеке тұлғалық дамуына теріс әсер етеді. Сондықтанда қоғамда буллингтің болмауына баршамыз ат салысайық! Жастардың болашағында - буллингке жол жоқ! деп - видео челлендж әлеуметтік желіге жолданды.

https://www.facebook.com/reel/1149626800360734/?__cft__[0]=AZW7BNTZkrNqn_0k6pPL0qSF5ewJTCoCuFFuEfL0tPhq0TA9V7T2ePSGEJstfRf1rD-mB2KVMaCchR3CBtKvz5suBZnfyE4iq5mdu9VrDDUoA6gRt6fvR4eeZZozOlBmU4qBbdi9dff2dVIe19EOj1AiLCMEQ__xSaKuscNcUAk4Lw&__tn__=%2CO%2CP-R

"ЖЕМҚОРЛЫҚҚА ЖОЛ ЖОҚ" СУРЕТ БАЙҚАУЫ 💎 Адал жүріп, адал тұр. Абай Құнанбайұлы Дінмұхамед Қонаев атындағы орта мектебінде "Адал Ұрпақ" ерікті мектеп клубының айлық жоспарына сәйкес, сурет пәні мұғалімі Е.Көрпебаевтың ұйымдастыруымен "Жемқорлыққа жол жоқ!" тақырыбында 7-сынып оқушылары арасында сурет байқауы өткізілді. Байқау барысында білім алушылар жемқорлық елдің ұлттық мүдделеріне, экономикалық қауіпсіздігіне нақты қауіп төндіретінін сурет арқылы түсіндіре білді. Байқаудың мақсаты: Жас ұрпақ арасында сыбайлас жемқорлыққа қарсы мәдениетті насихаттау, адалдыққа, әділдікке тәрбиелеу.

🌷🌷🌷🌷 Шу ауданы Дінмұхамед Қонаев атындағы орта мектебі мектепалды сынып тәрбиленушілерімен Ұлыстың ұлы күні 22 Наурыз мерекесіне орай «ҚОШ КЕЛДІҢ, ӘЗ НАУРЫЗ!» атты ертеңгілік болып өтті. Мақсаты: «Наурыз» мейрамы туралы түсінік беру арқылы қазақ халқының салт - дәстүрін көрсету және оны құрметтей білуге тәрбиелеу. Наурыз мерекесін ұлттық салт - дәстүрімізбен, әдет-ғұрпымызбен байланыстыра насихаттап, ұрпақтардың өз ұлтына деген сүйіспеншілігін арттыру.

Шу ауданы Дінмұхамед Қонаев атындағы орта мектебі Біртұтас тәрбие бағдарламасын жүзеге асыруға бағытталған іс шаралар жоспарына сәйкес 2025 жылдың 31 қаңтарында ӨЗІН-ӨЗІ БАСҚАРУ КЕҢЕСІ көшбасшылары ЕРІКТІЛЕРМЕН бірге “Тәртіп және заң” аясында “Буллинг және жемқорлық” тақырыбында видеоролик түсірілді.

https://www.facebook.com/100043120612971/videos/1548535819196181/